كيف تكون صاحب بصمة في الهواية وتعرف تقليب الصافي القياسي؟
السلام عليكم ورحمة الله وبركاته، وأهلاً بكم يا عشاق الحمام الغزار في حلقة جديدة من السلسلة التي نهدف من خلالها أن نترك بصمة حقيقية في الهواية وليكون لك اسم معروف بين الغواة . في المرة الفاتت اتكلمنا عن ناس بتحاول تستغل مساعدات معينة عشان تفهم الغواة حاجات مش مظبوطة، لكن إحنا هدفنا هنا نشتغل صح عشان نعمل البصمة المبنية على علم وأصول .
الحمام الصافي هو
الحمام المتربع على عرش حمام الغزار المصري
والكل بيحاول يدخل الصافي على الأتواب والبيوت الثانية عشان يحسنوا تركيبتها ودماغها . وعشان كده، صعبان علينا جداً لما نلاقي هاوي بياخد الهواية بالعافية أو يجيب حمام شبيه بالصافي ويقول عليه صافي، أو يخرج أتواب تانية من تصنيف الصافي ويفتكر إن الصافي هو الأبيض ابو رقبة بس .
الأصول بتقول إن الصافي تكوين و لون، وإذا وجد هذا التكوين القياسي على فرد الحمام بصرف النظر عن لونه؛ أصبح صافي فوراً .
المواصفات القياسية للصافي: الرأس والدماغ
الرأس مستديرة تماماً من الأمام ومن الخلف، وهي ميزة بتميز الصافي عن أي فرد حمام ثاني، وتكون دائرية ومفيهاش بطحة أو نقرة أو حيل .
العضم (المنقار)
العضم يكون حتة وجزء من الدماغ نفسها، يعني عظم مش خارج لبرة ولا فيه سحبة ؛ يعنى العضم جزء من الدماغ (الرأس) نفسها .
العين والجفون
العين واسعة جداً، و الجفون بتكون رقيقة جداً؛ و لونها ابيض و فى أتواب أخري يكون اللون خمري فاتح ، وحجم النني نفسه بيكون مظبوط .
الشكيمة
تعتبر من كماليات فرد الحمام وبتعطي جمال عظيم جداً، لكن غيابها مش معناه إن الفرد عايب أو ناقص؛ لأنها زي الكماليات في العربية بتزود الجمال لكن غيابها مش بيأثر على السرعة أو التوازن .
طول الصافي والأرجل
طول فرد الصافي القياسي بيتراوح من 30 إلى 35 سم في المتوسط، وكل ما زاد طول الصافي كان أفضل وأقوى، مع تميزه بأرجل قصيرة وصغيرة الحجم.
الجناح والخناجر
الجناح في الصافي بيكون "مشمور"، ومعنى مشمور إن الخناجر وسلاح الدفاع (أول عشر ريشات في الجناح) بتكون أقصر من الديل بحاجة بسيطة بمقدار من ( 2 الى 3 سم ) تقريباً .
أتواب الحمام الصافي المعتمدة
قاعدة التكوين الثابتة : احفظ القاعدة دي كويس عشان نحافظ على السلالة والبيت اللي مالوش مثيل؛ الصافي تقييمه بالتركيبة والجسم و اللون، والتكوين ده لو جه على أي توب بيطلع باسمه .
الأتواب المذكورة
التكوين القياسي لو جه على الأتواب بيعطينا: الصافي الأبيض (زي البنيدى السادة و الحجري )، والإزازي، والخليلي، والنقش، و فتافيت السكر ؛ و الأشقر، و السكري، و الرحماني، وصافي برقبة خضراء ؛ الخ.
الضرب والضريبة
ضريبة العين في المجمل بتكون عراقي أو بيضاء (الماظ) ، وفي التوب الإزازي بيميزه الشكيمة والضريبة ممكن تيجي بيضاء، أو زيتى، أو عراقي، حسب المدرسة والجهة اللي بتفرخ .
حظر إخراج الأتواب
مينفعش بالعقل والمنطق نخرج أتواب معينة من الصافي ونرميها برة المصطلح لمجرد الهوى؛ ورغم إننا بنعشق الصافي الأبيض وبنحارب عشان جودته، إلا إن الفرد اللي عليه التكوين المظبوط يظل صافي أصولي وله قيمته المعتمدة و هذا من باب الإصاف و قانون الغية.
