اختلافات الهواة في اسماء الاتياب -- المزرزر الصينى -- شرح عملى

اختلافات الهواة في أسماء الأثواب وشرح تفصيلي للمزرزر الصيني

السلام عليكم ورحمة الله وبركاته، مرحباً بكم جميعاً ويا رب تكونوا كلكم بخير وصحة وسلامة . نلتقي اليوم لنكمل معاً سلسلة شرح الحمام الصافي الغزار. وسنتكلم عن موضوع بيحصل فيه اختلافات كثيرة جداً بين الهواة، وهو أسماء الأثواب والمميزات والعيوب لكل ثوب . المنهج بتاعنا دايماً بيعلمنا إزاي نستفيد بالأثواب اللي عندنا في الهواية، ونركز فيها كويس لأن الخلاف في هذه النقطة كثر بين الغواة . ومن واقع قعدتنا من حوالي 45سنة أو يزيد مع الناس الكبيرة في الغية، كانوا بيكلمونا في الموضوع ده بالتفصيل ؛ واليوم هنوضح وجهات النظر المختلفة في

 تسمية المزرزر الصيني و أبو رقبة خضراء وعلاقتها بالعمر والشمس

 هدفنا إننا نوصل لترسيخ مواصفات قياسية موحدة يتفق عليها كبار الهواة، عشان الدنيا متمشيش بالمزاج أو الأهواء الشخصية والمصالح .

وجهات النظر والمدارس في تسمية ثوب المزرزر الصيني 

وجهة النظر الأولى (الزراير)

 ترى هذه المدرسة المعتبرة أن وجه التسمية يرجع إلى أن جتة فرد الحمام بتبان وكأنها منقطة بدوائر أو "زراير" تشبه شكل الكبسولة أو الزرار، ومن هنا جاء مصطلح المزرزر .

وجهة النظر الثانية (الحبايك الرصاصي)

 ترى أن الفرد وهو صغير بتبتدي جتته كلها تكون بيضاء (بخلاف الرقبة) و مع الوقت تطلع فيها حبايك باللون الرصاصي، ومع مرور الوقت والقلش ممكن بدل الحبيكة الواحدة تبقي اتنين و ممكن الاتنين يكونوا بلون واحد او لونين بحسب لون الرقبة و اذا كان له نهد والا لأ.

تأثير العمر على الثوب

 الشيوخ علمونا إن الأثواب دي بتتغير مع العمر، فكل سنة الفرد بياخد اسماً مختلفاً في خلال السنة مرة واثنين؛ لأن درجات الألوان الغامقة بتزيد مع القلش والتقدم في السن .

احترام اختلاف المدارس

 غية الحمام أساسها "الشفافية" والمدارس فيها مختلفة ومفيش حد يملك الحقيقة المطلقة بنسبة 100%، ولذلك يجب أن نجلس معاً لنتفق على الرأي الأقرب للصواب .

أسباب الجفن الملسوع وعواقب تداخل الأثواب بالخطأ

الجفن الملسوع والشمس

 الدرجة الخفيفة أو اللسعة الوردية في الجفن ممكن يكون سببها المباشر هو تعرض فرد الحمام للشمس جامد ولفترات طويلة، فالشمس بتأثر على جفن الفرد ولونه .

أعرف من هنا حكاية الصافي السبربيه

تداخل الأثواب العشوائي

 في الوقت الحالي بنشوف شباب بيفرخوا حمام تداخلت أثوابه بطريقة غلط، فتلاقي فرد الحمام واخد من كل حاجة شوية لدرجة إنك متقدرش تطلق عليه اسماً معيناً .

مخاطر غياب المواصفات الموحدة

 ترك الهواية بدون مواصفات قياسية موحدة بيخلي الهاوي الصغير اللي مش فاهم حاجة يطلق أي اسم على أي فرد، وده بيعمل نقاشات عقيمة لا تصل لنتيجة.

أمانة الكبار والعلانية

 لو عندك رأي مش متأكد منه خليه في الجلسات المغلقة بين 10 أو 15 واحد، لكن لما تطلع على العلن لازم تقول المواصفات الصحيحة القياسية المتفق على معظمها بين الكبار .

تعديل المقال